meray sabar ka na lai imithan,meri khamoshi ko tou sada na dai

meray sabar ka na lai imithan,meri khamoshi ko tou sada na dai,
jo jee sakay na teray bin,usay jeenay ki tou dua na dai.

to azeez dil-o-nazar se hai,tou kareeb dilo jaan se hai,
meray jism-o-jaan ka yeah faasla,kahin waqt aur barha na dai.

tujhe bhool k na bhula sakoon,tujhe chah kar b na paa sakoun,
meri hasratoun ko shumar kar,meri chahtoun ka sila na dai.

wo tarap jo shula-e-jaan main thi,meray tan badan se lipat gai,
jo buja sakay to buja isay,na buja sakay to hawa na dai.

tujhe ager milain kabhie fursatain,meri sham phir se sanwar dai,
agar qatal karna hai to qatal kar,you judaiyoun k azab na dai.