Kuchh diN to basO meRi aaNkhoN meN

kuchh din to baso merii aaNkhoN meN
phir Khwaab agar ho jaao to kyaa

Koi rang to do mere chehre ko
phir zaKhm agar mahkaao to kyaa

jab ham hii na mahke phir saahab
tum baad-e-sabaa kahlaao to kyaa

ek aaiinaa thaa, so TuuT gayaa
ab khud se agar sharmaao to kyaa

duniaa bhii vahii aur tum bhii vahii
phir tumse aas lagaao to kyaa

maiN tanhaa thaa, maiN tanhaa huuN
tum aao to kyaa, na aao to kyaa

jab dekhne vaalaa koii nahiiN
bujh jaao to kyaa, gahnaao to kyaa

ek vaham hai ye duniaa ismeN
kuchh kho'o to kyaa aur paa'o to kyaa

hai yuuN bhii ziyaaN aur yuuN bhii ziyaaN
ji jaao to kyaa mar jaao to kyaa

haqeeqat hai yaqeen kar lo main us ko bhool kar khush hon
mohabbat mar chukki hai ab main us ko bhool kar khush hon

badaltii rutt kii wajah sey tabiyet kuch bojhal sii hai
youn mera haal na poocho main us ko bhool kar khush hon

meray lehjey par mat chonko merii aankhoun mein mat jhanko
youn khairat sey na dekho main us ko bhool kar khush hon

tumhien kya weham hai kyoun raat bhar milney nahi aatien?
aey meri neend kii pariyo main us ko bhool kar khush hon

bhala kyoun roz bahaien aansoo kyoun mujh sey milney aatii hain
tum us kii yaad sey keh do main us ko bhool kar khush hon

udaasii sarey ghar mein phailtii jatii hai gham ban kar
har dewaar par likh do main us ko bhool kar khush hon

bhalay dinoun ki baat hai, bhali si aik shakal thee
na yeh kay husn-e-taam ho, na dekhnay main aam si

na yeh ke woh chalay to kahakshan si rahguzar lagay
magar woh saath ho tau phir bhala bhala safar lagay

koi bhi rut ho uss ki chub faza ka rang roop thee
woh garmioun ki chhaoun thee, woh sardioun ki dhoop thee

na aisi khush libaasian ke saadgi gila karay
na itni be-takalufi ke aayena haya karay

na aashqi junoon ki, kay zindagi azaab ho
na iss qadar kathor pun, kay zindagi kharaab ho

so aik roz kia hoa, wafa ki behas chhirr gai
main ishq ko amar kahoon, woh meri zid se chirr gai

main ishq ka aseer tha, woh ishq ko qafas kahay
kay umar bhar kay saath ko woh bad tar az hawis kahay

na uss ko mujh pay maan thaa, na mujh ko uss pe zaum hi
jab ehad bhi koi na ho to kia gham-e-shikastagi

sau apna apna raasta hansi khushi badal liya
woh apni raah chal parri main apni raah chal diya

bhali si uss ki shakal thee, bhali si uss ki dosti
ab uss ki yaad raat din nahin magar kabhi kabhi

~~~Yaad Ki Rah Guzar~~~


Yaad Ki Rah Guzar Jis Pe Issi Sorat Se

Muddatein Beet Gaye Hain Tumhein Chaltey Chaltey

Khattam Ho Jaye To Do Char Qadam Aur Chalo


Morr Parta Hai Jahan Dasht-e-faramoshi Ka

Jis Se Agey Na Koi Mein Hoon Na Koi Tum Ho

Saans Thamein Hain Nigahein K Najaney Kis Dum

Tum Palat Aao, Guzar Jao, Ya Murr Ker Dekho

Garcheh Waqif Hain Nigahein K Ye Sab Dhoka Hai

Ger Kahin Tum Se Hum Agoosh Hoi Phir Se Nazar

Phoot Nikley Gi Wahan Aur Koi Rah Guzar

Phir Ussi Tarhaan Jahan Ho Ga Muqabil Paiham

Saaya-e-Z ulf Ka Aur Jumbish-e-bazoo Ka Safar

Dosri Baat Bhi Jhooti Hai K Dil Janta Hai

Yahan Koi Morr, Koi Dashr, Koi Ghaat Nahi

Jis K Pardey Mein Mera Mah-e-raavan Doob Sakey

Tum Se Chalti Rahey Ye Raah Yunhi Acha Hai

Tum Ne Murr Ker Bhi Na Dekha Tou Koi Baat Nahi

nice sharing

bohat khoob.