Aye Dil-e-Bekhabar Jo Hawa Ja Chuki Abb Nahi aay Gi

Aye Dil-e-Bekhabar
Jo Hawa Ja Chuki Abb Nahi aay Gi
Jo Shajer Toot Jata Hai Phelta Nahi
Wapsi Mosaamon Ka Muqadar To Hai
Jo Samaan Beet Jay, Palatta Nahi
Jane Wale Nahi Loatte Ummer Bhar
Abb Kisse Dhoondta Hai Sar-e-Rah Guzar!
A Dil-e-Kaamnazar, A Mere Bekhabar, A Mere Humsafar, A Dil-e-Behunar
Garam Sanson Ki Woo Khushbooain, Bhool Ja
Woo Chakehti Hui Dharkanein, Bhool Ja
Bhool Ja Naram Honton Ki Shaadabian
Haraf-e-Iqrar Ki Lazatein Bhool Ja
Bhool Ja Woo Hawa, Bhool Ha Woo Nagar
Kon Jane Kahan Roshni Kho Gai
Lut Gaya Hay Kahan Karwan-e-Sahar!
Abb Kahan Gesuu,on Ke Woo saaye, Kahan
Iss ki Aahat Se Chamakte Huye Baam-o-Dar, A Dil-e-Bebasar
Rang-e-Asuudgi Ke Tamashe Kahan
Jhatpata Hai Yahan Rah Guzar, Rah guzar!
Woo To Khushboo Tha Aglay Nagar Ja Chuka
Abb Kisse Dhoondta Hai Are Bekhabar
Jane Wale Nahi Loatte Ummer Bhar
A Dil-e-Kam Nazar, A Mere Charagar, A Mere Humsafar