gehraa sannaaTaa hai
Page 1 of 1 • Share
gehraa sannaaTaa hai
gehraa sannaaTaa hai
kuch makaanoN se Khamosh uThtaa hu’aa
gaaRhaa kaalaa dhuuaaN
mail dil meN liye
har taraf duur tak phailtaa jaataa hai
gehraa sannaaTaa hai
laash kii tarah bejaan hai raastaa
ek TuuTaa hu’aa Thelaa
ulTaa paRaa
apne pahiye havaa meN uThaaye hu’e
aasmaanoN ko hairat se taktaa hai
jaise ke jo bhii hu’aa
uskaa ab tak yaqiiN isko aayaa nahiiN
gehraa sannaaTaa hai
ek ujRii dukaaN
chiiKh ke baad muuNh
jo khulaa kaa khulaa rah gayaa
apne TuuTe kivaaRoN se vo
duur tak phaile
chuuRii ke TukRoN ko
hasratzadaa nazroN se dekhtii hai
ke kal tak yahii shiishe
is pople ke muuNh meN
sau rang ke daaNt the
gehraa sannaaTaa hai
gehre sannaaTe ne apne manzar se yuuN baat kii
sun le ujRii dukaaN
ai sulagte makaaN
TuuTe Thele
tumhiiN bas nahiiN ho akele
yahaaN aur bhii haiN
ham inkaa maatam kareNge
magar pahle unko to ro leN
ke jo luuTne aaye the
aur Khud luT gaye
kyaa luTaa
iskii unko Khabar hii nahiiN
kamnazar haiN
ke sadiyoN kii tehziib par
un bechaaroN kii ko’ii nazar hii nahiiN
kuch makaanoN se Khamosh uThtaa hu’aa
gaaRhaa kaalaa dhuuaaN
mail dil meN liye
har taraf duur tak phailtaa jaataa hai
gehraa sannaaTaa hai
laash kii tarah bejaan hai raastaa
ek TuuTaa hu’aa Thelaa
ulTaa paRaa
apne pahiye havaa meN uThaaye hu’e
aasmaanoN ko hairat se taktaa hai
jaise ke jo bhii hu’aa
uskaa ab tak yaqiiN isko aayaa nahiiN
gehraa sannaaTaa hai
ek ujRii dukaaN
chiiKh ke baad muuNh
jo khulaa kaa khulaa rah gayaa
apne TuuTe kivaaRoN se vo
duur tak phaile
chuuRii ke TukRoN ko
hasratzadaa nazroN se dekhtii hai
ke kal tak yahii shiishe
is pople ke muuNh meN
sau rang ke daaNt the
gehraa sannaaTaa hai
gehre sannaaTe ne apne manzar se yuuN baat kii
sun le ujRii dukaaN
ai sulagte makaaN
TuuTe Thele
tumhiiN bas nahiiN ho akele
yahaaN aur bhii haiN
ham inkaa maatam kareNge
magar pahle unko to ro leN
ke jo luuTne aaye the
aur Khud luT gaye
kyaa luTaa
iskii unko Khabar hii nahiiN
kamnazar haiN
ke sadiyoN kii tehziib par
un bechaaroN kii ko’ii nazar hii nahiiN
saleha- Monstars
-
Posts : 469
Join date : 2012-01-28
Age : 36
Location : ...
Page 1 of 1
Permissions in this forum:
You cannot reply to topics in this forum
|
|
Yesterday at 10:16 pm by ali001
» Amuse - Become Smarter
Wed May 15, 2024 10:50 am by ali001
» Fort Lock
Sat May 04, 2024 11:49 am by ali001
» house disrepair claims
Thu May 02, 2024 4:29 pm by Ibad Khan Buledi
» Bounce n Bang: Physics puzzler
Thu May 02, 2024 11:39 am by ali001
» AIChatSY - AIChatbot Assistant
Wed May 01, 2024 10:48 am by ali001
» Storybook Magic App
Tue Apr 30, 2024 7:06 pm by ali001
» Flower Book Match3 Puzzle Game
Tue Apr 30, 2024 12:17 pm by ali001
» Avian Influenza Symptom in Chickens "Bird Flu H5N1 Virus" Vet learning materials, Poultry Farming
Sat Apr 27, 2024 9:57 am by Ibad Khan Buledi