gehraa sannaaTaa hai

View previous topic View next topic Go down

GMT - 3 Hours gehraa sannaaTaa hai

Post by saleha on Sat Dec 08, 2012 10:29 pm

gehraa sannaaTaa hai
kuch makaanoN se Khamosh uThtaa hu’aa
gaaRhaa kaalaa dhuuaaN
mail dil meN liye
har taraf duur tak phailtaa jaataa hai
gehraa sannaaTaa hai

laash kii tarah bejaan hai raastaa
ek TuuTaa hu’aa Thelaa
ulTaa paRaa
apne pahiye havaa meN uThaaye hu’e
aasmaanoN ko hairat se taktaa hai
jaise ke jo bhii hu’aa
uskaa ab tak yaqiiN isko aayaa nahiiN
gehraa sannaaTaa hai



ek ujRii dukaaN
chiiKh ke baad muuNh
jo khulaa kaa khulaa rah gayaa
apne TuuTe kivaaRoN se vo
duur tak phaile
chuuRii ke TukRoN ko
hasratzadaa nazroN se dekhtii hai
ke kal tak yahii shiishe
is pople ke muuNh meN
sau rang ke daaNt the
gehraa sannaaTaa hai


gehre sannaaTe ne apne manzar se yuuN baat kii
sun le ujRii dukaaN
ai sulagte makaaN
TuuTe Thele
tumhiiN bas nahiiN ho akele
yahaaN aur bhii haiN
ham inkaa maatam kareNge
magar pahle unko to ro leN
ke jo luuTne aaye the
aur Khud luT gaye
kyaa luTaa
iskii unko Khabar hii nahiiN
kamnazar haiN
ke sadiyoN kii tehziib par
un bechaaroN kii ko’ii nazar hii nahiiN

avatar
saleha
Monstars
Monstars

Pisces Dragon
Posts : 469
Join date : 2012-01-28
Age : 30
Location : ...
--Mood-- : Blah

Back to top Go down

View previous topic View next topic Back to top


Permissions in this forum:
You cannot reply to topics in this forum